தொலைபேசியூடு ஒரு சந்திப்பு.

இன்று தென்துருவ வலைப்பதிவர் சம்மேளனத்தின் தலைவர், செயலாளர் மற்றும் சிட்னிக்கிளையின் பொறுப்பாளர் ஆகியோரிடையே தொலைபேசி வழிச் சந்திப்பு நடைபெற்றது. மெல்பேணிலிருந்து சயந்தனும் வசந்தனும் சிட்னியிலிருந்து ஷ்ரேயாவும் இச்சந்திப்பிற் கலந்துகொண்டார்கள். எதிர்வரும் வாரம் சிட்னியில் நடைபெறவிருக்கும் மாநாட்டுக்கு முன்னோடியாக இக்கலந்துரையாடல் நடைபெற்றது. அம்மாநாட்டு ஒழுங்குகள், அதில் விவாதிக்கப்பட வேண்டிய விதயங்கள் மற்றும் சாப்பாட்டு ஒழுங்குகள் என்பன பற்றி விரிவாக ஆராயப்பட்டன. ஒஸ்ரேலியாவில் இன்று தமிழ் மற்றும் தமிழரின் நிலைபற்றியும் சுருக்கமாக ஆராயப்பட்டது. மாநாட்டில் விரிவாக ஆராயப்படும். தொடக்கத்தில் சீரியசாகப் போய்க்கொண்டிருந்த கலந்துரையாடல் பின் தத்தமது சொந்த விசயங்களைப் பகிர்ந்துகொள்ளும் நிலைக்கு வந்தது. அதில் அவரவரின் சொந்த இடங்கள், படித்த இடங்கள், வேலைத்தளங்கள் உட்பட இன்னபிற விசயங்களும் கதைக்கப்பட்டன. இறுதியில் நாளை உத்தியோகபூர்வ விஜயத்தை மேற்கொள்ளும் செயலாளரை வாழ்த்தி கலந்துரையாடல் நிறைவு பெற்றது. இக்கலந்துரையாடல் தான் சிட்னிக்கிளையுடன் நடத்தப்பட்ட முதற்கலந்துரையாடல். மிகப் பயனுள்ள வகையில் முக்கால்மணிநேரக் கலந்துரையாடல் நிறைவு பெற்றது. மாநாடு முடிந்ததும் விரிவான அறிக்கை வெளியிடப்படும். காத்திருங்கள். கலந்துரையாடல் முடிந்தபின் சயந்தன் எனக்குச் சொன்னார், ஷ்ரேயா கதைக்காமல் எந்த நேரமும் சிரித்துக்கொண்டிருக்கிறாரென்று. ஷ்ரேயா கதைப்பதே சிரிப்பது போல் தான் என்று சொல்ல வருகிறாரோ? தமிழ்ப்பதிவுகள்