ஒஸ்ரேலியாவிற் பனங்காய்ப் பணியாரம்.

முதலொருக்கா சயந்தன் பனங்காய்ப்பணியாரத்தின்ர படத்தைப்போட்டிருக்கேக்க அதைப்பார்த்து நான் வாயூற, ஒஸ்ரேலியாவில பனங்களி விக்கப்படுதெண்டு ஷ்ரேயா சொல்ல, ஒரு மாதிரித் தேடிப்பிடிச்சு வாங்கிப்போட்டன். தாய்லாந்திலயிருந்து போத்தலில அடைக்கப்பட்டு வருது. 450 கிராம் களிப்போத்தல் 3 டொலர். சரியெண்டு வாங்கி வந்து இண்டைக்கு பனங்காய்ப்பணியாரம் செய்தாச்சு. நான் தான் செய்தன். பனங்களி விறுத்தமில்ல. போத்திலத் திறந்த உடனயே குப்பெண்டு அடிச்சுதே ஒரு புளிச்ச மணம். எங்கட ஊர்ப்பனங்களி மாதிரி ருசியுமில்ல.சரி இனியென்ன செய்யிறதெண்டு முதல் அரைப்போத்தலில கொஞ்சம் செய்து பாத்தன். இனிப்புக் கூடப்போட்டுத்தான் செய்தன். நல்ல பதமா, நிறமா வந்துது. ஆனா வாயில வைக்கேக்க அந்தப் புளிச்ச மணம் சாதுவாக் குழப்பீச்சு. என்ன செய்யலாமெண்டு யோசிச்சுட்டு பனங்களிய அடுப்பிலவச்சு நல்லாய் காச்சினன். வத்தவத்த தண்ணி கலந்து நல்லாக் காச்சனன். பிறகு புளிச்ச மணம் கொஞ்சம் குறைஞ்சுது. அதுக்குப்பிறகு மிச்சத்தைச் செய்தன். முந்தினதவிட மணம் குறைஞ்சிருந்திச்சு. ஆனா களி கறுத்துப்போயிட்டதால சரியான சிவப்பு நிறம் வரேல. ஆனா நல்ல ருசியா இருந்திச்சு. நான் உந்தக் களிப்போத்தல் வேண்டி பத்துநாளாச்சு. ஆனா இண்டைக்கு ஏன் பணியாரம் செய்தன் எண்டு கேக்கிறியளோ? இண்டைக்குத்தான் உங்க சிட்னியில ஏதோ மாநாடு கூட்டினமாம். அவையின்ர சார்பா நான் பணியாரம் செய்து சாப்பிட்டன். அவை அங்க சந்திக்க, நான் பனங்காய்ப்பணியாரம் திண்டு மாநாட்டில பங்குபற்றினன். படத்தில இருக்கிற பணியாரங்கள் ஒரு சேப்புக் (shape) கெட்டதா இருக்கு. ஆனா நல்ல வடிவான உருண்டையாயும் பணியாரங்கள் வந்தது. அதுகளப் பொறுக்கி அடுக்கிப்போட்டு படமெடுக்கிறதுக்கு கமரா எடுக்கப்போய் வாறதுக்குள்ள அந்தத் தட்டு வெறுமையாப் போச்சு. பிறகென்ன மிஞ்சினத வச்சுத்தான் உந்தப்படங்கள் எடுத்தனான். ஷ்ரேயா, சயந்தன்! எப்பிடியெண?? உங்கள விட்டுட்டு நான் மட்டும் பணியாரம் திண்டிட்டன். சயந்தன், முடிஞ்சா என்ர சார்பில "பனங்காய்ப் பணியாரம் செய்வது எப்பிடி?" எண்டு இன்பத்தமிழொலி வானொலியில வாற சனி நிகழ்ச்சி செய்யும். "கத்தரிக்காய்ப் பச்சடி செய்வது எப்படி?" எண்டு சொல்லுறதவிட இது நல்லாயிருக்கும். தமிழ்ப்பதிவுகள்