நினைத்தாலே புளிக்கும்.

பிறை - இரண்டு வணக்கம்! இதைப் பார்க்கையில் உங்களுக்கு என்ன ஞாபகம் வருகிறது? எனக்கு என் விடலைப் பருவம் ஞாபகம் வருகிறது. மாங்காய் விளாங்காய் போலவே இந்தப் புளியும் சுவாரசியமான மனப்பதிவுகளைக் கொண்டுள்ளது. நினைத்தாலே வாயூறும். களவாகப் புளி பறிப்பதும் எமக்கொரு விளையாட்டு. எங்கட ஊரில ஒருத்தரின்ர வளவுக்க இனிப்புப் புளி நிண்டது. வழமையான புளியள் போல இல்லாமல் நல்லா இனிக்கும். ஆனா சின்னனா இருக்கும். அந்தப் புளிக்குப் பாதுகாப்பும் அதிகம்தான். வளவச்சுத்தி முள்ளுக்கம்பி வேலி. அதோட பத்தையளும் வெட்டிவிட்டிருந்ததால ஆக்களாரேன் போனா இலகுவாத் தெரியும். அந்தப் புளி பிடுங்கப்போய் ஒருநாள் பிடிபட்டுப் போனம். எண்டாலும் பெரிய பிரச்சினையில்லாமல், பிரச்சின வீட்ட போகாமல் முடிச்சாச்சு. இந்தப்படம் இனிப்புளியில்ல. சாதாரண புளி. கொஞ்சம் எட்ட நின்று பார்க்கவும். வாயிலிருந்து ஏதாவது வழிந்து உங்கள் விசைப்பலகை நனையக்கூடாது. --------------------------------------------------- வந்ததுதான் வந்தீர்கள். அப்பிடியே ஊடகவியலாளன் 'மாமனிதன்' சிவராமின் கொலைக்கு நீதியான விசாரணை தேவையென மனித உரிமைகள் ஆணையகத்துக்கு முறையிடும் மனுவில் உங்கள் பொன்னான வாக்குகளையும் போட்டுச் செல்லுங்கள். இங்கே சென்று வாக்குப்போடுங்கள்.