தமிழர்களை ஆதரித்தலால் கொலை அச்சுறுத்தல்

ஒஸ்ரேலியப் பாராளுமன்ற உறுப்பினர். இன்று (29.05.06) கன்பராவில் நாடாளுமன்றத்தின் முன் நடந்த ஈழத்தமிழரின் உரிமைக்குரல் நிகழ்வில், கலந்து கொண்டு உரையாற்றிய ஒஸ்ரேலிய நடுவண் அரசின் பாராளுமன்ற உறுப்பினரான Murphy MP உரையாற்றிய போது, "ஈழத்தமிழர்களுக்கு ஆதரவாகப் பேசியதற்காக இலத்திரனியல் ஊடகமூடாக எனக்குக் கொலை அச்சுறுத்தல்கள் வந்தன. வெளிநாட்டின் பாராளுமன்ற உறுப்பினர் ஒருவருக்கே இப்படி அச்சுறுத்தல் என்றால் அந்த நாட்டில் இருப்பவர்களுக்குரிய பிரச்சினையைப் புறம்தள்ள முடியாதென்பது நன்கு புலப்படுகிறது" என்றார். இவர் மேலும் பேசுகையில், "01.06.1999 அன்று ஒஸ்ரேலிய நாடாளுமன்றத்தில் நான் நான்கு தீர்மானங்களை முன்வைத்துப் பேசினேன். *வடக்கு - கிழக்கிலிருந்து சிறிலங்கா அரசபடை வெளியேற வேண்டும். ** தமிழர் பகுதிகள் மீதான பொருளாதாரத் தடை உடனடியாக நீக்கப்பட வேண்டும். ***தமிழருக்குரிய அரசியல் உரிமைகள் அங்கீகரிக்கப்பட வேண்டும். ****ஐ.நா சபையின் சாசனத்தின் கீழ், தமிழர்களுக்குரிய சுயநிர்ணய உரிமை உறுதிப்படுத்தப்படவும், அவர்களுக்கான பிரிந்து தனித்துச் செல்லும் உரிமை அங்கீகரிக்கப்படவும் வேண்டும். இன்று ஏழு ஆண்டுகளின் பின்னும் அந்த நிலையில் மாற்றமில்லை. இன்றும் உங்களுக்காக அதே கொள்கைகளை வைத்தே நான் பேசுகிறேன். நீங்கள் நடக்கும் நிகழ்வுகளையிட்டு அதிகம் கவலைப்படத் தேவையில்லை. ஏனென்றால் நீங்கள் உங்களுக்காக குரல்தரவல்ல வலுவான சக்தியொன்றைப் பின்னணியிற் கொண்டிருக்கிறீர்கள். ஆகவே நீங்கள் கலைப்படத் தேவையில்லை. என்றார். மேர்சி அவர்கள் நீண்டகாலமாக ஈழத்தமிழர் பிரச்சினையில் வெளிப்படையாகப் பேசி வருபவர். பாராளுமன்றத்திலும் இவை தொடர்பாக பேசி வருபவர். அதனால் பாராளுமன்றத்திலும் எதிர்ப்புக்குள்ளானவர். இந்நிகழ்வு பற்றி கொஞ்சம் விரிவான பதிவொன்றை முன்னிட்டுள்ளேன். _____________________________________________ தமிழ்ப்பதிவுகள்